نكـت المدرســة باللهجة الجزائرية و المغربية و التونسية

أتيتكـم اليوم بقديـم النكــت المضحكـة

نكـت المدرسـة باللهجـة المغـاربية

نكـت المدرسـة التي ظهـرت في وقـت آبـائنـا ^_^



هادا واحد مسيفط ختو تشوف ليه النتائج ديال الامتحانات. اتفق معاها تقول ليه ف التلفون إيلا سقط ف مادة وحدة: سلم عليك محمد. إيلا سقت ف جوج مواد: سلموا عليك محمد و محمد. إلخ المهم مشات البنت تشوف النتائج وعيط ليها خوها، قال ليها: أ من درا؟ قالت ليه ختو: سلمت عليك أمة محمد كلها



هادا واحد التلميد قال ليه المعلم: عطيني خمسة ديال الحيوانات قال ليه التلميد: بقرة و كلب و تلاتة ديال الحمامات.



هادا واحد المعلم تعين ف واحد لقرية ف لعروبية. واحد النهار دّا الكاشير للقسم و سول التلاميد: ما هذا؟ حتى واحد ما قشع أشنو داكشي. شوية و هو يهز واحد التلميد صبعو: هاديك ممحاة ديال ستاشرمية.



واحد الاستاذ قال لواحد التلميذ: صرف Verbe "Dire" au présent de l'indicatif الولد ماعرفش الجواب وبقى ساكت قال ليه الاستاذ: أنا نعاونك في الاولى، و انت كمل Je dis الدري تفتحو عينيه من الفرحة و بدا Vendredi Samedi Dimanche



واحد الكسول سول المعلم ديال الانجليزية: أستاد، أشنو المعنى ديال why؟ قال ليه الأستاد: علاش. قال ليه الكسول: لا، غير سولت. قال ليه الأستاد: علاش أبنادم، علاش. قال ليه الكسول: راه غير بغيت نتعلم الانجليزية.



ثلاثة ديال الكسالى مشاو يدوزو امتحان. ملي سالاو، كل واحد سول لاخور آشنو دار الاول قال ليهوم: أنا خليت الورقة خاوية التاني قال ليهم: حتى أنا خليتها خاوية الثالث قال ليهم: صافي مشينا فيها، ملي كلنا دايرين بحال بحال غادي يعرفونا تناقلنا. عولو على السقوط.



هادا واحد الاستاد قال للتلاميد دياولو: غادي نوريكوم تلالة د الانواع ديال العياقة اتصل بواحد النمرة وجاوباتو واحد البنت قال ليها: كاين عمر؟ قالت ليه: لا ما كاينش، النمرة غلط قال للتلاميد: هادي عياقة. اتصل تاني بنفس النمرة وجابواتو نفس البنت وقال ليها: كاين عمر؟ قالت ليه: قلنا ليك ما كاينش مالك مصدعنا قال للتلاميد: هادي عياقة كتر عاود اتصل بنفس النمرة وجابواتو نفس البنت وقال ليها : كاين عمر؟ قالت ليه:ما كاينش ألحمار وما تبقاش تعيط قال للتلاميد: هادي عياقة بزااااااااااف ناض واحد الولد قال ليه: أنا غادي نوريك العياقة ديال بصاح ناض عيط لنفس النمرة وقال ليها: أنا عمر، عيط ليا شي واحد؟



واحد الاستاد ديال الفرنسية سول التلاميذ دياولو: أشنو هي النجمة بالفرنسية؟ واحد التلميذ عرفها ولكن حشومي، وقالها لصاحبو الكسول. داك الكسول هز صبعو وقال للاستاذ: ليطوال L'étoile تعجب الاستاذ من هاداك الكسول وقال ليه: ركبها في جملة مفيدة. جاوبو الكسول: اللي طوال يرجعو اللور، واللي قصار يزيدو القدام.



أستاد ديال الرياضيات سول واحد التلميد: إيلا عطاك باك 10 د الدراهم و عطا لخوك 15 دراهم. ماذا تساوي؟ قال ليه التلميد: تساوي الحرب.



هادا واحد غير دخل الامتحان ديال الباكالوريا و دغية خرج. قالو ليه: مالك خرجتي دغية؟ قال ليهوم: قال ليا الوالد جي نتا اللول.



هادي واحد المرا كبيرة وحشومية بزاف مشات تقرا ف محو الأمية وكان العنوان ديال الدرس : دخل أحمد، خرج أحمد ملي تقول المعلمة: دخل أحمد، كدير المرا الزيف على راسها وملي تقول المعلمة: خرج أحمد، كتحيد المرا الزيف على راسها ملي مشات للدار، قال ليها راجلها: آشنو قريتو اليوم؟ قالت ليه: علاه احمد خلانا نقراو؟ ها هو داخل، ها هو خارج.



واحد المعلم سول التلاميد: أشنو المعنى ديال كلمة سبيل و أشنو المعنى ديال كلمة سلسبيل جوابه واحد التلميد: سبيل هو طريق و سلسبيل هو طرطريق.



هادا واحد مسيفط ختو تشوف ليه النتائج ديال الامتحانات. اتفق معاها تقول ليه ف التلفون إيلا سقط ف مادة وحدة: سلم عليك محمد. إيلا سقت ف جوج مواد: سلموا عليك محمد و محمد. إلخ المهم مشات البنت تشوف النتائج وعيط ليها خوها، قال ليها: أ من درا؟ قالت ليه ختو: سلمت عليك أمة محمد كلها.



كلمـة شكـر تكفينـي و تشجعنـي للقيـام بالمزيـد

شكـرا للأعضـاء و المشرفيـن المحترميـن

تقبلـوا مـروري